རྫོང་ཁ་ལི་ནགསི་འདི་ ཧརཌི་ཌ་ཡིབ་གསརཔ་ཅིག་ནང་ གཞི་བཙུགས་འབད་ཐངས།
བཀོལ་སྤྱོད་རིམ་ལུགས་ ཡང་ན་ ཧེ་མ་ལས་གནད་སྡུད་མེད་པའི་ཧརཌི་ཌ་ཡིབ་གསརཔ་ཅིག་ནང་ གཞི་བཙུགས་འབད་ནི་འདི་ ཐབས་ལམ་འཇམ་ཤོས་ཅིག་ཨིན། དེ་ཡང་ ག་ཅི་སྦེ་སྨོ་ཟེར་བ་ཅིན་ ལག་ལེན་པ་གིས་ ཧརཌི་ཌ་ཡིབ་ བར་བཅད་ག་ནི་ཡང་འབད་མ་དགོ་པར་ ཕྲང་ཕྲང་ར་ གཞི་བཙུགས་འབད་བཏུབ་ཨིན།
གཞི་བཙུགས་པའི་གསལ་གཞི་ “བར་བཅད་ཌིཀསི་”ནང་ ལག་ལེན་པའི་དོན་ལུ་ གདམ་ཁ་གཉིས་སྦེ་ཡོདཔ་ཨིན། ཁྱོད་ཀྱིས་ “ལམ་སྟོན་ཅན་ - ཌིཀསི་ཧྲིལ་བུ་ལག་ལེན་འཐབ་ “འདི་ གདམ་ཁ་བརྐྱབ་པ་ཅིན་ རྫོང་ཁ་ལི་ནགསི་གི་ཌིཀསི་ཧྲིལ་བུ་ལག་ལེན་འཐབ་པའི་ཁར་ ཌིཀསི་གི་བར་སྟོང་ རྩིས་བཏོན་ཞིནམ་ལས་ རང་བཞིན་གྱིས་ བར་བཅད་བཟོ་འོང་།
དེ་གི་ཤུལ་མའི་གསལ་གཞི་ནང་ ཧརཌི་ཌིཀསི་ཐོ་ཡིག་ཅིག་སྟོན་འོང་། ག་དེམ་ཅིག་འབད་ རིམ་ལུགས་འདི་ལུ་ ཧརཌི་ཌིཀསི་གཅིག་ལས་ལྷག་སྟེ་ཡོད་པ་ཅིན་ རྫོང་ཁ་ལི་ནགསི་གཞི་བཙུགས་འབད་ནི་ཨིན་པའི་ཧརཌི་ཌིཀསི་འདི་གདམ་ཁ་རྐྱབ་ཞིནམ་ལས་ “འཕྲོ་མཐུད་”ལུ་ ཨེབ་གཏང་འབད།
དེ་ལས་ “ཡིག་སྣོད་ཆ་མཉམ་ བར་བཅད་གཅིག་ནང་བཞག་༼ལག་ལེན་པ་གསརཔ་ཚུ་ལུ་ འོས་སྦྱོར་འབད་ཡོད་མི་༽” འདི་ སེལ་འཐུ་འབད་ཞིནམ་ལས་ འཕྲོ་མཐུད་ལུ་ཨེབ་གཏང་འབད།
དེ་གི་ཤུལ་ལས་ ཧརཌི་ཌིཀསི་འདི་ བར་བཅད་དང་རྩ་སྒྲིག་ག་དེ་སྦེ་ བཟོ་ནི་ཨིན་ན་སྟོན་འོང་། དེ་བསྒང་ ཧརཌི་ཌིཀསི་འདི་ བར་བཅད་དང་རྩ་སྒྲིག་མ་འབད་བར་ཡོད་ནི་ཨིནམ་ལས་ ཧེ་མའི་རིམ་སྒྲིག་མ་བཏུབ་ཡོད་མི་ཚུ་ བསྒྱུར་བཅོས་འབད་ནི་ལུ་ “ལོག་འགྱོ་ “ལུ་ ཨེབ་གཏང་འབད་བཏུབ་ཨིན།
ཁྱོད་ཀྱི་བར་བཅད་འདི་བཏུབ་པ་ཅིན་ “བར་བཅད་མཇུག་བསྡུ་ཡོདཔ་ལས་ བསྒྱུར་བཅོས་ཚུ་ ཌིཀསི་ལུ་བྲིས་ “འདི་ སེལ་འཐུ་འབད་ཞིནམ་ལས་ འཕྲོ་མཐུད་ལུ་ཨེབ་གཏང་འབད།
ཤུལ་མའི་གསལ་གཞི་ནང་ གཞི་བཙུགསཔ་གིས་ བསྒྱུར་བཅོས་ཚུ་ ཌིཀསི་ལུ་བྲིས་ནི་ཨིན་ན་མེད་ན་ དོ་རུང་ཚར་ཅིག་འབྲི་འོང་། དེ་བསྒང་ “ཨིན་”འདི་ སེལ་འཐུ་འབད་ཞིནམ་ལས་ ཧརཌི་ཌིཀསི་ བར་བཅད་དང་རྩ་སྒྲིག་འབད་ནི་འགོ་བཙུགས་ནི་གི་དོན་ལས་ འཕྲོ་མཐུད་ལུ་ཨེབ་གཏང་འབད།
རྫོང་ཁ་ལི་ནགསི་འདི་ ཝིན་ཌོསི་དང་གཅིག་ཁར་ ཟུང་འབྲེལ་བུཊི་འབད་བཏུབ་སྦེ་ གཞི་བཙུགས་འབད་ཐངས།
ཝིན་ཌོསི་ཡོད་པའི་གློག་རིག་གུ་ རྫོང་ཁ་ལི་ནགསི་གཞི་བཙུགས་འབད་བའི་སྐབས་ ཧརཌི་ཌིཀསི་སྟོངམ་བཏོན་ནི་དང་ ཝིན་ཌོསི་བར་བཅད་ཀྱི་ཚད་ བསྐྱར་བཟོ་འབད་ནི་བཅས་ རྣམ་པ་གཉིས་སྦེ་ཡོད། གོ་རིམ་ཚུ་ཁ་གསལ་སྦེ་ འོག་ལུ་བཀོད་དེ་ཡོད་:
There are 112 comments on this page. [Display comments]